काठमाडौँ । नेतृ रामकुमारी झाँक्री र नेता कृष्णकुमार श्रेष्ठ ‘किसान’ चार वर्षपछि पुन: नेकपा (एमाले) मा फर्किएका छन्।

उनीहरू २०७८ सालमा एमाले विभाजन हुँदा नेकपा (एकीकृत समाजवादी) मा गएका थिए। तर, हालै कात्तिक १९ गते एकीकृत समाजवादी, माओवादी केन्द्रलगायत दलहरूबीच एकता भएको केही सातामै झाँक्री र श्रेष्ठले पुन: पुरानो पार्टी रोजेका हुन्।

सोमबार काठमाडौंको राष्ट्रिय सभा गृहमा आयोजित ‘घर फर्क राष्ट्रीय अभियान’ कार्यक्रमका क्रममा उनीहरू एमालेमा पुन: प्रवेश गरेका हुन्।

कार्यक्रममा एमाले अध्यक्ष केपी शर्मा ओली ले उनीहरूलाई पार्टीमा स्वागत गर्दै एमालेको चुनाव चिह्न ‘सूर्य’ प्रदान गरेका थिए, भने झाँक्री र श्रेष्ठले प्रतीकात्मक रूपमा ‘कलम’ चिह्न अध्यक्ष ओलीलाई हस्तान्तरण गरेका थिए।

सोही अवसरमा गम्भीरलाल श्रेष्ठ, पिताम्बर तिमिल्सिना, राजाराम स्याङतान, ववि चाम्लिङ, ध्रुव विष्ट, नवराज पौडेल, अर्जुन राई, अम्बिका राई, केदार गौतम, सावित्री न्यौपाने, उत्तम श्रेष्ठ, केशव सापकोटालगायत नेताहरू पनि एमालेमा पुन: प्रवेश गरेका छन्।

२०८२ कात्तिक २४ गते सोमवार १७:१० बजे प्रकाशित