पाँच महिनामा १९ करोडको तास आयात हुँदा ११ करोड राजश्व संकलन
काठमाडौं । चालु आर्थिक वर्ष २०८०/०८१ को पाँच महिनामा १९ करोड रुपैयाँभन्दा बढीको तास आयात भएको छ । भन्सार विभागको तथ्यांकअनुसार पाँच महिना (साउन–मंसिर) मा १९ करोड ५१ लाख १५ हजार रुपैयाँको तास आयात भएको हाे ।
नेपालमा चीन, हङकङ भारत र युकेबाट तास आयात हुन्छ । चीनबाट १७ करोड ६९ लाख १० हजार, भारतबाट एक करोड ८२ लाख दुई हजार र युकेबाट दुई हजार रुपैयाँको तास आयात भएको विभागले जनाएको छ ।
नेपालले तास आयातबाट ११ करोड ७८ लाख २५ हजार रुपैयाँ राजश्व संकलन गरेको छ ।
२०८० पुस ९ गते सोमवार १८:४१ बजे प्रकाशित
