काठमाडौं । नेकपा एमालेका अध्यक्ष केपी शर्मा ओलीले मानिसमाथि आक्रमण र हत्या गरी चुनाव जित्ने संस्कृति घिनलाग्दो भएको बताएका छन् ।

नेकपा एमालेले सुरु गरेको महाकाली/मेची यात्राका क्रममा आइतबार अछाममा पत्रकारसित कुरा गर्दै उनले मानिसमाथि आक्रमण र हत्या गरी चुनाव जित्ने संस्कृति घिनलाग्दो भएको बताए ।

२०७९ को १७ जेठमा भएको बेपत्ता भएका शाही पछि मृत भेटिएका थिए ।

शाहीको मृत्युको प्रशंग निकाल्दै पूर्वप्रधानमन्त्री समेत रहेका ओलीले भने, ‘विनोद शाही जस्ता होनहार युवाको जसरी हत्या भयो, त्यसको म बिरोध गर्न चाहन्छु,’ अत्यन्तै घिनलाग्दो कुरा हो, मानिसको हत्या गर्नु, मानिसमाथि आक्रमण गर्नु, हत्याको संस्कृति आफूजस्तै मान्छेलाई मारेर एउटा मान्छे मारेर चुनाव जित्ने भनेको घिनलाग्दो कुरा हो ।’

ओलीले शाहीलाई शहीद घोषणा पनि गरे ।

२०८० मंसिर १७ गते आइतवार १७:५१ बजे प्रकाशित