दसैँका लागि आजदेखि पुरानै भाडामा अग्रिम टिकट बुकिङ खुला
काठमाडौं । दसैँका लागि अग्रिम टिकट आजदेखि खुला भएको छ। शुक्रबार सरकार र यातायात व्यवसायी राष्ट्रिय महासंघबीच छलफलमा सहमति भएपछि आजबाट बुकिङ खुला गरिएको हो ।
सरकार र व्यवसायीबीच गाडी थप्ने र व्यवस्थित तरिकाले टिकट काट्ने सुविधाका लागि सहमति भएको यातायात व्यवसायी राष्ट्रिय महासंघका उपाध्यक्ष सरोज सिटौलाले बताए। सरकार र व्यवसायीबीच भाडा नबढाउने सहमति पनि भएको छ।
दसैँको अवधिमा काठमाडौं उपत्यकाबाट करिब २० लाखसम्म यात्रु बाहिरिने अनुमान छ ।
२०८० असोज २२ गते सोमवार १९:३४ बजे प्रकाशित
