काठमाडौं। नेकपा एमालेका अध्यक्ष केपी शर्मा ओलीले नेपालको सञ्चार क्षेत्रमा सुधार ल्याउन आफू नेतृत्वको सरकारको योगदान रहेको दाबी गरेका छन् ।

आफूले प्रधानमन्त्री भएका बेला अप्टिकल फाइबर र केबलकार बिछ्याउने कामदेखि सबै जिल्लाहरूमा फोरजी सेवा उपलब्ध गराउने अभियानलाई सफलतापूर्वक अगाडि सारेको हुनाले अहिले सञ्चार क्षेत्रमा नेपाल अलिक बलियो भएको ओलीको भनाइ थियो ।

उनले भने, ‘म प्रधानमन्त्री भएकै समयमा अप्टिकल फाइबर र केवल कार बिछ्याउने कामहरूदेखि लिएर सबै जिल्लामा फोरजी सेवा उपलब्ध गराउने त्यो अभियानलाई सफलतापूर्वक अगाडि सारेको हुनाले अहिले सञ्चार क्षेत्रमा हामी अलिक बलियो भएका छौँ । अझै यसलाई सुदृढ गर्न जरुरी छ।’

सांस्कृतिक समाज, नेपालले सोमबार काठमाडौंमा आयोजना गरेको सांस्कृतिक कार्यक्रममा बोल्दै ओलीले नेपालको सञ्चार क्षेत्रलाई अझै सुदृढ बनाउन जरुरी रहेको समेत बताए ।

२०८० भदौ ४ गते सोमवार १९:०५ बजे प्रकाशित