थप ३१५ जनामा कोरोना संक्रमण, संक्रमितको संख्या २० हजार नाघ्यो
काठमाडौं । शनिबार थप ३१५ जनामा कोरोना भाइरसको संक्रमण पुष्टि भएको छ । यससँगै कुल संक्रमितको संख्या २० हजार नाघेको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले शनिबारको नियमित प्रेस ब्रिफिङमा उपत्यकाका ६ सहित ३१५ जनामा संक्रमण पुष्टि भएको जानकारी दिए ।
शनिबारसम्म देशभर कुल संक्रमितको संख्या २० हजार ८६ पुगेको हो । यस्तै पछिल्लो २४ घण्टामा ९३ जना निको भएका छन् भने कुल निको हुनेको संख्या १४ हजार ४९२ पुगेको छ ।
त्यसैगरि देशभरीका क्वारेन्टिनमा ११ हजार ५ सय ३३ जना रहेका छन् ।
२०७७ साउन १७ गते शनिवार १६:४८ बजे प्रकाशित
