पश्चिमी वायु फेरि सक्रिय हुँदैः केही स्थानमा पानीसहित हिमपातको सम्भावना
काठमाडौं । आइतबार काठमाडौसहित पहाडी भेगमा लागेको कुहिरो बिस्तारै हट्दै जाने मौसमविद्ले बताएका छन् ।
तर तराईमा भने आइतबार दिनभर नै कुहिरो हट्ने सम्भावना छैन । आइतबार सामान्यतया मौसम सफा नै रहे पनि सोमबार बेलुकादेखि फेरि पश्चिमी वायुको प्रभाव देखिने र देशभरको मौसममा सामान्य बदली हुने महाशाखाले जनाएको छ । मौसम बदलीसँगै पश्चिमका केही ठाउँमा सामान्य पानी पर्ने र उच्च पहाडी तथा हिमाली भेगमा हिमपातको सम्भावना रहेको मौसमविदले बताएको छ।
आइतबार बिहान काठमाडौको न्यूनतम तापक्रम ३ दशमलव ४ डिग्री सेल्सियस मापन गरिएको छ ।
२०७६ पुस २७ गते आइतवार ११:४६ बजे प्रकाशित
