काठमाडौं । आइतबारदेखि शुक्रबारसम्म आउँदा सुनको मुल्यमा १७ सय रुपैयाँले बृद्धि भएको नेपाल सुनचाँदी व्यवसायी महासंघले जनाएको छ ।

महासंघका अनुसार आइतबार प्रतितोला ७१ हजार ६ सय रुपैयाँमा कारोबार भएको छापावाल सुनको मुल्य शुक्रबार आउँदा ७३ हजार ३ सय रुपैयाँ पुगेको छ । बिहिबार छापावाला सुनको मुल्य प्रतितोलामा ७२ हजार ८ सय रुपैयाँ थियो ।

महासंघले जनाएअनुसार तेजाबी सुनको मुल्यमा पनि बढोत्तरी आएको छ । बिहिबार ७२ हजार ५ सय रुपैयाँमा कारोबार भएको तेजाबी सुनको मुल्य शुक्रबार प्रतितोला ७३ हजार पुगेको महासंघले जनाएको छ ।

आज चाँदीको मुल्य प्रतितोला ८ सय ९० रुपैयाँ रहेको महासंघले जनाएको छ । महासंघले जनाएअनुसार गत आइतबार चाँदीको मुल्य प्रतितोला ८ सय ५५ रुपैयाँ थियो ।

२०७६ पुस ११ गते शुक्रवार १८:०४ बजे प्रकाशित