"उत्पादनमा गुणस्तरीयता, आपूर्तिमा सहजता, उपभोगमा विवेकशीलता" - The Sustainable Consumer.
निर्वाचन आयोग
Nepal Oil Corporation

प्रधानमन्त्री र चिनियाँ विदेशमन्त्रीबीच भेट

काठमाडौं । प्रधानमन्त्री केपी शर्मा ओलीले चिनियाँ राष्ट्रपति सि जिन पिङको नेपाल भ्रमण छिट्टै हुने बताएका छन् । उनले चिनियाँ विदेशी मन्त्री वाङ यीसँगको भेटमा सो विश्वास व्यक्त गरेका हुन् । प्रधानमन्त्री निवास बालुवाटारमा सोमबार अपरान्ह भएको प्रधानमन्त्रीसँगको भेटमा चिनियाँ विदेशमन्त्री वाङले उपयुक्त समयमा राष्ट्रपति सिको नेपाल भ्रमण हुने बताएका थिए ।

प्रधानमन्त्री ओलीले चिनियाँ राष्ट्रपति सिको नेपाल भ्रमण छिट्टै हुने विश्वास व्यक्त गरेको प्रधानमन्त्रीका परराष्ट्र मामिला सल्लाहकार डा. राजन भट्टराईले जानकारी दिए । त्यस क्रममा प्रधानमन्त्री ओलीले चीनले नेपालको आर्थिक तथा सामाजिक क्षेत्रको विकासमा पुर्याउँदै आएको सहयोगबारे प्रशंशा गरे । नेपाली भूमि कुनै मुलुकविरुद्ध प्रयोग हुन नदिने नेपालको अडान पनि प्रधानमन्त्री ओलीको दोहोर्याएका भट्टराईले जानकारी दिए ।

भेटमा विदेशमन्त्री वाङले राष्ट्रपति सि र चिनियाँ सरकारले प्रधानमन्त्री ओली नेतृत्वको सरकारले अघि सारेको ‘समृद्ध नेपाल र सुःखी नेपाली’को नारालाई समर्थन रहेको सन्देश पठाएको बताए । त्यस क्रममा चिनियाँ राष्ट्रपति सि र सरकारले प्रधानमन्त्री ओलीको पूर्ण स्वास्थ्य लाभको कामना गरेको भट्टराईले जानकारी दिए । भेटमा चीन र नेपालबीच भएको द्विपक्षीय समझदारी कार्यान्वयनमा जोड दिइएको प्रधानमन्त्रीको निजी सचिवालयले जनाएको छ । त्यसलगत्तै चिनियाँ विदेशमन्त्री वाङले राष्ट्रपति विद्या भण्डारीसँग शिष्टाचार भेट गरेका थिए ।

२०७६ भदौ २४ गते मंगलवार १२:२२ बजे प्रकाशित

प्रतिक्रिया दिनुहोस्

सम्बन्धित शीर्षकहरु