काठमाडौं । सरकारले सबै खाले सार्वजनिक सवारी साधनमा लागू हुने गरी भाडा वृद्धि गरेको छ। यातायात व्यवस्था विभागका महानिर्देशक कुमारप्रसाद दहालले भाडा बढाइएको बताए। सबै खाले सवारी साधनमा लागू हुने गरी १२ प्रतिशत बढाइएको उनले पुष्टि गरे।

तर उत भाडा वृद्धिलाई लिएर विभिन्न सरोकारवाला निकायले आफ्नो असन्तुष्टी व्यक्त गर्दै विरोध जनाएका छन् । चौतर्फि रुपमा विभिन्न क्षेत्रमा भएका यस्ता मुल्यवृद्धिले आम सर्वसाधरणको दैनिकीलाई थप कष्टकर पारेको जानकारहरु बताउछन् ।
विभागले यातायातको गुणस्तरीयता र सार्वजनीक यातायातका साधनमा यात्रु माथि हुने दुव्र्यवहार, शोषण र शास्ती जस्ता मानविय पक्षलाई केहि सम्वोधन गर्न सकेन ।

बिहिबार यायायात व्यवसायी, उपभोक्ता कर्मी र सुरक्षा निकायका प्रमुखलगायतसँग छलफल गरी भाडादर समायोजन गरिएको विभागको भनाइ छ। तर उक्त छलफलमा उपस्थीत उपभोक्ता अधिकारकर्मिहरुले भाडा वृद्धिको विषयमा विरोध जनाउदै बैठकबाट बाहिरिएका थिए । भाडा वृद्धिको निर्णय तत्काल फिर्ता लिन र सहज रुपमा यात्रुले यात्रा गर्न पाउने आफ्नो अधिकार रक्षाका लागि कञ्जुमर आई नेपालले माग गरेको छ ।

यायायात व्यवसायीले भाडादर समायोजन गर्नुपर्ने माग राख्दै आएका थिए। यस अघि व्यवसायीले भाडा वृद्धि माग गर्दै गर्दा दशैंअघि सरकारले सार्वजनिक सवारीको भाडा १० प्रतिशत बढाएको थियो। विभागले मेकानिकल पार्टस्को मूल्य, सवारी साधनको मूल्य, श्रमको दर, इन्धनमा भएको मूल्यवृद्धिलगायतका आधारका भाडादर कायम गरिएको बताएको छ। भाडादर समायोजन गर्ने विषयमा विभागले बुधबार महानगरपालिकासँग छलफल गरेको थियो।

उक्त भाडामा थप १२ प्रतिशत वृद्धि गर्ने निर्णय सरकारले गरेको हो। योसँगै अब सार्वजनिक सवारी साधन चढ्ने यात्रुले ४ किलोमिटर सम्मको १६ रुपैयाँ भाडा तिर्नु पर्ने भएको छ। यसअघि १४ रुपैयाँ थियो। २०६९ पछि विभागले पहिलो पटक वैज्ञानिक भाडादर भनेको छ। बढेको भाडादर असार १ बाट लागू हुनेछ।

ट्याक्सी भाडा पनि बढ्यो
सरकारले ट्याक्सी भाडा पनि बढाएको छ। यातायात व्यवस्था विभागले आसर १ गतेदेखि लागू हुने गरी ट्याक्सी भाडा वृद्धि गरेको हो। ट्याक्सी भाडा फ्ल्याक डाउन प्रणाली लागू गर्ने भएको छ। यो प्रणाली भनेको चढ्ने बित्तिकै न्यूनतम भाडा उठ्ने प्रणाली हो। यो नियम लागै भएसँग अब ट्याक्सीमा यात्र गर्ने उपभोक्ताले पहिलो एक किलो मिटरसम्म ५० रुपैयाँ तिुनु पर्नेछ।

यसको अर्थ पहिलो ट्याक्सी चढने बित्तिकै ट्याक्सी चालकले मिटर अन गर्दा ५० रुपैयाँ देखाउने छ। यो ५० रुपैयाँ एक किलो मिटरसम्म यात्रा गर्न पाउने छन्। तर, त्यसपछि प्रति २ सय मिटरमा ८ रुपैयाँ ८० पैसा थप हुँदै जाने छ। यस अघि ट्याक्सी चढन साथ १४ रुपैयाँ र त्यसपछि प्रति २ सय मिटरमा ७ रुपैयाँ ८० पैसा थप हुन्थ्यो। यसको अर्थ प्रति दुई सय मिटर एक रुपैयाँ ८० पैसा बढेको हो। यसको अर्थ अब पहिलो एक किलोमिटर बाहेक प्रतिकिलोमिटर ट्याक्सी यात्रामा ४४ रुपैयाँ थप तिर्नु पर्ने हुन्छ।

असार १ गतेबाट रात्रीकालीन सेवा सुचारु गर्ने
सरकारले असार १ गतेबाट रात्रीकालीन सार्वजनिक बस सञ्चालन गर्ने भएको छ। रात्रीकालीन बसको भाडा भने दिउँसोको समयमा चल्ने सवारीको भन्दा बढी हुने भएको छ। यातायात व्यवस्था विभागले दिउँसो सार्वजनिक सवारी चढ्दा न्यूनतम १६ रुपैयाँ तिर्नुपर्ने भएपनि रात्रीकालीन बसमा यात्रा गर्दा न्यूनतम भाडा नै २२ रुपैयाँ तिुर्न पर्ने बताएको छ।

२०७६ जेठ ३० गते बिहीवार १६:५४ बजे प्रकाशित