"उत्पादनमा गुणस्तरीयता, आपूर्तिमा सहजता, उपभोगमा विवेकशीलता" - The Sustainable Consumer.
निर्वाचन आयोग
Nepal Oil Corporation

मकै रोप्ने समयमा रासायनिक मलको अभाव हुने छैन 

बागमती प्रदेशका कृषि तथा पशुुपक्षी विकासमन्त्री बसुन्धरा हुमागाईँले सबै पक्षको सहयोग भएमा स्वदेशमै रासायनिक मल मल उत्पादन गर्न सकिने बताउनुभएको छ । मण्डनदेउपुर नगरपालिका–१० स्थित चण्डेनीमण्डन पशु बिमा सहकारी संस्थाको १९औँ साधारणसभा तथा भवन उद्घाटन कार्यक्रमलाई शनिबार सम्बोधन गर्दै उहाँले सरकारले मकै रोप्ने समयमा मलको अभाव हुन नदिनेसमेत दाबी गर्नुभयो ।

“यसअघि गलत व्यवथापनले सरकारले दिएको अनुदानको सदुपयोग हुन सकेन, नेपालमै दुई लाख मेट्रिक टन क्षमताको मल कारखाना खोल्न सरकारले अध्ययन गरिरहेको छ, सबै पक्षको सहयोग हुने हो भने स्वदेशमै पनि मल कारखाना खोल्न सकिन्छ”, उहाँले भन्नुभयो ।

मन्त्री हुमागाईँले सबैखाले बिमा गर्न जनचेतनाको आवश्यकता औँल्याउँदै खोरेत रोग अन्त्यको कार्यक्रम, विज्ञहरुको सुझावमा कृषि ऐन निर्माण, किसानलाई कार्ड वितरण, सहुलियत ऋण कार्यविधि निर्माणलगायतका विषयमा प्रदेश सरकारले प्राथमिकताका साथ काम सुरु गरेको जानकारी दिनुभयो ।

कार्यक्रममा नेकपा ९एकीकृत सामाजवादी०का जिल्ला अध्यक्ष एवं मण्डनदेउपुर नगरका प्रमुख टोकबहादुर वाइवाले बिमा–सेवाको दायरा फराकिलो हुनुपर्ने उल्लेख गर्दै नगरका सबै वडामा पशु बिमा कार्यक्रम पुर्‍याउन अझै बाँकी रहेको बताउनुभयो । वडाध्यक्ष विष्णुमणि नेपाल, मण्डनदेउपुर सहकारी सङ्घका अध्यक्ष सुमन नेपाल, सहकारीविज्ञ दीपकप्रसाद पौडेललगायतले सहकारीले किसानको आर्थिकस्तर उकास्न महत्वपूर्ण भूमिका खेलेको धारणा राख्दै पशु बिमा कार्यक्रममा सबै किसानलाई समेट्न आग्रह गर्नुभयो ।

२०७८ फागुन १ गते आइतवार २१:३२ बजे प्रकाशित

प्रतिक्रिया दिनुहोस्

सम्बन्धित शीर्षकहरु