सुनको भाउ एकैदिन ३ हजारले घट्यो, तोलाको ७८ हजार पाँच सय रुपैयाँ
काठमाडौं । साताको छैंटौ दिन अर्थात शुक्रबार नेपाली बजारमा सु्नको मुल्य ह्वात्तै घटेको छ । सु्न आज तोलामा रु ३ हजार रुपैंयाँले घटेको हो ।
सुनको भाउ शुक्रबार तोलाको ७८ हजार पाँच सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । बिहीबार तोलामा आठ सय रुपैयाँ घटेर सुनको भाउ तोलाको ८१ हजार पाँच सय रुपैयाँमा कारोबार भएको थियो ।
यस्तै चाँदी तोलामा ४० रुपैयाँ घटेर तोलाको आठ सय २० रुपैयाँमा कारोबार भइरहेको छ ।
कोरोना भाइरसका कारण अन्तर्राष्ट्रिय बजारमा शेयर कारोबार खस्किएसँगै सुनचाँदीको भाउ घटेको महासङ्घले जनाएको छ ।
२०७६ फागुन ३० गते शुक्रवार १२:२० बजे प्रकाशित
