फेरि सुन-चाँदीको मूल्य बढ्यो, ताेलाकाे कति पुग्याे ?
काठमाडौं । साताको तेस्रो दिन अर्थात मंगलबार नेपाली बजारमा सुनचाँदीको मुल्य बढेको छ । मंगलबार तोलामा २ सयले बढेर ७३ हजार ५ सय रुपैयाँमा कारोबार भइरहेको नेपाल सुन चाँदी महासंघले जनाएको छ।
सोमबार छापावाल सुन तोलामा ७३ हजार ३ सय रुपैयाँमा कारोबार भएको थियो।
महासंघका अनुसार तेजावी सुन तोलाको ७३ हजार २ सय रुपैयाँ कायम गरेको छ।
यस्तै, चाँदी तोलामा ५ रुपैयाँले बढेर ९०० रुपैयाँमा कारोबार भइरहेको महासंघले जनाएको छ।
२०७६ पुस १५ गते मंगलवार १४:२० बजे प्रकाशित
