निषेधाज्ञा जारी गरेसँगै सर्वसाधारणले उपत्यका छोड्नेको भिड
काठमाडौँ, कोरोना महामारी निमन्त्रण तथा रोकथामका लागि काठमाडौँ उपत्यकामा निषेधाज्ञा जारी गरेसँगै सर्वसाधारणले उपत्यका छोड्न थालेका छन् । गोंगबुस्थित नयाँ बसपार्क बुधबार बिहानै फर्किनेहरूले खचाखच भरिएको छ ।
टिकट लिनेको घुइँचो पनि उस्तै छ । यता गह्रुँगा झोला, काखमा बच्चा बोकेर गन्तव्यतिर गइरहेका देखिन्छन् । बसपार्कबाट छुटेका सबै सवारी साधन यात्रुले भरिभराउ रहेको यातायात व्यवसायीहरुको भनाइ छ ।
काठमाडौँ उपत्यकामा वैशाख १६ गतेदेखि निषेधाज्ञा लागू हुने भएकाले प्रशासनले सर्वसाधारणलाई घर फर्किन दुई दिनको समय दिएको छ । त्यसैलाई सदुपयोग गर्दै यतिबेला मानिसहरु धमाधम घर फर्किन थालेका छन् ।
२०७८ वैशाख १५ गते बुधवार १३:४५ बजे प्रकाशित