थप ४०३ मा कोरोना संक्रमण, मृत्यु हुनेको संख्या १८ सय ८५ पुग्यो

काठमाडौं । पछिल्लो २४ घण्टामा थप ४ सय ३ जनामा कोरोना भाइरसको संक्रमण पुष्टि भएको छ ।
सोमबार स्वास्थ्य तथा जनसंख्या मन्त्रालयका अनुसार यी थपिएकासहित हालसम्म संक्रमित हुनेको कुल संख्या २ लाख ६२ हजार २ सय ६२ पुगेको छ।
पछिल्लो २४ घण्टामा ५ सय ९४ जना निको भएका छन्। योसहित कोरोनाबाट निको हुनेको संख्या २ लाख ५५ हजार ८८ पुगेको छ।
त्यस्तै, यसको संक्रमणबाट थप ७ जनाको मृत्यु भएको मन्त्रालयले जनाएको छ।
योसँगै कोरोनाबाट मृत्यु हुनेको संख्या एक हजार ८ सय ८५ पुगेको छ।
२०७७ पुस २० गते सोमवार १६:२८ बजे प्रकाशित