कोरोना संक्रमितको संख्या घट्दै : आज ८९९ मा पुष्टि, १५ को मृत्यु
काठमाडौं । पछिल्लो २४ घण्टामा देशभर थप ८९९ जनामा कोरोना भाइरसको संक्रमण देखिएको छ।
शनिबार स्वास्थ्य मन्त्रालयले दिएको जानकारीका अनुसार योसहित हालसम्म संक्रमित हुनेको कुल संख्या २ लाख ४७ हजार ५ सय ९३ पुगेको छ।
पछिल्लो २४ घण्टामा एक हजार ३ सय ५९ जना निको भएका छन्। योसहित कोरोनाबाट निको हुनेको संख्या २ लाख ३४ हजार २ सय ३१ पुगेको छ।
त्यस्तै, यसको संक्रमणबाट थप १५ जनाको मृत्यु भएको मन्त्रालयले जनाएको छ । योसँगै कोरोनाबाट मृत्यु हुनेको संख्या एक हजार ६ सय ८९ पुगेको छ।
२०७७ मंसिर २७ गते शनिवार १६:३१ बजे प्रकाशित
