पछिल्लो २४ घण्टामा १२ सय ५५ जनामा कोराेना पुष्टि, २५ जनाको मृत्यु
काठमाडौं । पछिल्लो २४ घण्टाको अवधिमा नेपालमा थप एक हजार २ सय ५५ जनामा कोरोना भाइरसको संक्रमण पुष्टि भएको छ।
आइतबार स्वास्थ्य मन्त्रालयले दिएको जानकारी अनुसार यो सँगै कोरोना संक्रमित हुनेको संख्या २ लाख ३० हजार ७ सय २३ जना पुगेको छ ।
त्यस्तै १ हजार ४०४ जना निको भई घर फर्किएको मन्त्रालयले जनाएको छ। यो सँगै २ लाख ११ हजार १ सय ८६ जनालाई निको भइसकेको छ। निको हुनेको दर ९१ प्रतिशत रहेको मन्त्रालयले जनाएको छ।
यस दिन ८ हजार ८ जनाको पिसिआर परीक्षण भएको छ।
त्यस्तै, संक्रमणबाट थप २५ जनाले ज्यान गुमाएको पुष्टि भएको छ। अहिलेसम्म संक्रमणबाट एक हजार ४ सय ५४ जनाले ज्यान गुमाएका छन्।
हाल देशभर १७ हजार ९ सय ९ जना सक्रिय संक्रमित छन्।
२०७७ मंसिर १४ गते आइतवार १६:४४ बजे प्रकाशित
