बुधबार थपिए अहिलेसम्मकै बढी कोरोना संक्रमित, १ हजार ५३९ जनामा संक्रमण पुष्टि
काठमाडौं । पछिल्लो २४ घण्टाको अवधिमा थप १ हजार ५३९ जनामा कोरोना संक्रमण पुष्टि भएको छ। यो संख्या हालसम्मकै उच्च संख्या हो।
स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमका अनुसार यो सहित हालसम्म संक्रमित हुनेको संख्या ५८ हजार ३२७ पुगेको छ।
त्यस्तै पछिल्लो २४ घण्टामा १ हजार ६८ जना कोरोनाबाट निको भएका छन्। यीसहित हालसम्म निको हुनेको संख्या ४१ हजार ७०६ पुगेको छ।
हाल देशभर सक्रिय संक्रमितको संख्या १६ हजार २४२ छ। कुल संक्रमितमध्ये निको हुनेको दर ७१ दशमलव ५ प्रतिशत रहेको मन्त्रालयले जनाएको छ।
पछिल्लो २४ घण्टामा थप ८ जना कोरोना संक्रमितको मृत्यु भएको छ। योसहित कोरोनाबाट मृत्यु हुनेको संख्या ३७९ पुगेको छ।
२०७७ भदौ ३१ गते बुधवार १६:५१ बजे प्रकाशित
