थप ९०२ जनामा कोरोना संक्रमण पुष्टि : २ हजार २८७ जना डिस्चार्ज, ६ जनाको मृत्यु
काठमाडौं । मंगलबार ९सय २ जनामा कोरोना संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार मंगलबार १० हजार ६ सय ११ जनामा परिक्षण गरिएको थियो ।
यो सँगै संक्रमितहरुको संख्या ४८ हजार १ सय ३८ पुगेको छ भने निको हुनेको संख्या ३२ हजार ९ सय ६४ रहेको छ भने मंगलबार मात्रै निको भएर घर फर्किनेको संख्या २ हजार २ सय ८७ जना रहेका छन् । यो ६८ प्रतिशत भएको बताइएको छ ।
आज थपिएका सहित नेपालमा सक्रिय संक्रमितहरुको संख्या १४ हजार ८ सय ६८ जना जना रहेका छन् । यि मध्य ६ हजार ८ सय १५ जना होमआइसोलेशनमा रहेका छन् भने ८ हजार ५३ जना विभिन्न अस्पतालमा रहेका छन् । जसमध्य १ सय ४४ जना आइसियु र २३ जना भ्याण्टिलेटरमा उपचार भईरहेको छ ।
यसैगरी मंगलबार ६ जनाको कोरोनाका कारण मृत्यु भएको छ, यो सँगै नेपालमा मृत्यु हुनेको संख्या ३ सय ६ पुगेको छ ।
२०७७ भदौ २३ गते मंगलवार १६:५० बजे प्रकाशित
