सोमबार थप ७४३ जनामा कोरोना पुष्टि, ८ जनाको मृत्यु
काठमाडौं । पछिल्लो २४ घण्टामा देशभर ७ सय ४३ जना कोरोना भाइरस संक्रमित थपिएका छन्।यीसहित हालसम्म संक्रमित हुनेको संख्या ३२ हजार ६ सय ७८ पुगेको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टाामा सो संख्याका संक्रमित थपिएका हुन्।
२४ घण्टामा १ सय ७५ जना कोरोनाबाट निको भइ घर फर्किएका छन् । हालसम्म १८ हजार ८ सय ६ जना कोरोनाबाट निको भएका छन्। हाल देशभर सक्रिय संक्रमितको संख्या १३ हजार ७ सय १५ छ।
थप ८ मृतकमा कोरोना पुष्टि भएको छ। यीसहित हालसम्म कोरोनाका कारण ज्यान गुमाउने संख्या १ सय ५७ पुगेको छ।
विगत २४ घण्टामा १० हजार २ सय ३४ जनाको पिसिआर परीक्षण भएको छ।
२०७७ भदौ ८ गते सोमवार १७:१२ बजे प्रकाशित
