पछिल्लो २४ घण्टामा थप ८१८ जनामा कोरोना पुष्टि, ३ जनाको मृत्यु
काठमाडौं । पछिल्लो २४ घण्टामा देशभर ८ सय १८ जना कोरोना संक्रमित थपिएका छन्।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार आइतबार थपिएका सहित हालसम्म संक्रमित हुनेको संख्या ३१ हजार ९ सय ३५ पुगेको छ।
त्यस्तै विगत २४ घण्टामा २ सय ८१ जना कोरोनाबाट निको भइ घर फर्किएको छन् । यीसहित हालसम्म १८ हजार ६३१ जना कोरोनाबाट निको भएका छन्।
विगत २४ घण्टामा ८ हजार २६ जनाको पिसिआर परीक्षण भएको छ।
त्यस्तै विगत २४ घण्टामा थप ३ जनामा मृतकमा कोरोना पुष्टि भएको छ। हालसम्म १ सय ४९ जनाको कोरोनाबाट मृत्यु भएको मन्त्रालयले जनाएको छ।
२०७७ भदौ ७ गते आइतवार १६:४१ बजे प्रकाशित
