नेपालमा कोरोना भाइरसबाट मृत्यु हुनेको संख्या ४३ पुग्यो
काठमाडौं । नेपालमा कोरोनाका कारण थप १ जनाको मृत्यु भएको पुष्टि भएको छ ।
सोमबार नारायणी अस्पतालअन्तर्गतको गण्डक अस्थायी कोभिड अस्पतालमा भर्ना भएर मंगलबार मृत्यु भएका वीरगञ्ज–६ माईस्थान बस्ने ७० वर्षीय वृद्धको बुधबार आएको रिपोर्टमा कोरोना संक्रमण पुष्टि भएको हो ।
मृत्युपछि स्वाबको पीसीआर जाँच गर्दा बुधबार कोरोना पोजेटिभ देखिएको र उनको मृत्यु कोरोना संक्रमणबाट भएको पुष्टि भएको गण्डक अस्थायी कोभिड अस्पतालका कोअर्डिनेटर डाक्टर उदयनारायण सिंहले जानकारी दिए ।
योसँगै नेपालमा कोरोनाका कारण मृत्यु हुनेको संख्या ४३ पुगेको छ । नेपालमा बुधबार मात्रै कोरोनाका कारण २ जनाको मृत्यु भएको थियो ।
२०७७ साउन ८ गते बिहीवार ११:०३ बजे प्रकाशित
