काठमाडौं । शुक्रबार पछिल्लो २४ घण्टामा १ सय १८ जनामा कोरोना संक्रमण पुष्टी भएको छ । यी मध्य ४२ जना काठमाडौं उपत्यकाका हुन् ।

स्वास्थ्य तथा जनसंख्या मन्त्रालयका अनुसार काठमाडौं जिल्लामा २८, ललितपुरमा १३ र भक्तपुरमा १ जनामा कोरोना संक्रमण भएको हो ।

स्वास्थ्य तथा जनसंख्या मन्त्रालयका प्रवक्ताका अनुसार पछिल्लो २४ घण्टामा ४ हजार ८०६ जनाको परिक्षण भएको छ ।

बिहीबारसम्म कोरोनाका १६ हजार ५ सय ३१ संक्रमित थिए। यो संख्या बढेर शुक्रबार १६ हजार ६ सय ४९ पुगेको हो।

२४ घण्टामा १ सय २० जना निको भई घर फर्किएका छन् भने अहिलेसम्म ८ हजार ११ जना निको भएर घर फर्किएका छन् ।

आजसम्म नेपालमा २ लाख ७५ हजार ९५१ परिक्षण भएको छ । यो पिसिआर परिक्षण समेत गरेर हो ।

२०७७ असार २६ गते शुक्रवार १७:०५ बजे प्रकाशित