रौतहट र बारामा गरी ९ जना कोरोना संक्रमित भेटिए, संक्रमितको संख्या ३ सय ४
काठमाडौं । रौतहट र बारामा गरी ९ जना कोरोना संक्रमित थपिएका छन् ।
रौतहटमा ८ जना र बारामा एक पत्रकारलाई संक्रमण पुष्टी भएको हो ।
रौतहटको इशनाथ र माधवनारायण नगरपालिका निवासी २१, २१, २३, २५, २५, २९, ३० वर्षका पुरुष र माधवनारायण नगरपालिका ३ निवासी २८ वर्षकी महिला गरी ८ जना र बाराको करैयामा गरी ९ जना पुरुषमा पुष्टी भएको स्वास्थ्य तथा जनसंख्या मन्त्रालयले जनाएको छ ।
यो सँगै नेपालमा संक्रमितको संख्या ३ सय ४ पुगेको छ ।
२०७७ जेठ ५ गते सोमवार ११:५० बजे प्रकाशित
